1146 – 1155 гг.

img_1824Се езъ князь великыи Изяслав Мьстиславовичь, по благославлению епискупа Нифонта, испрошав есми у Новагорода святому Пантелеймону землю село Витославиць и Смердъ и поля Ушьково и до прости. А заводъ тои земли от Юрьевскои ораницы простью ввьрх, и съ прости возле Ушьковскую ораницу по вьрхнеи стороне да направо в логъ, логомъ по вьрховью Мячина и Мячином вънизъ по вешьнюю воду и Добрыни улици к Образу святому, от Добрыни улице Мячином ввьрх подъле княжую рель до Юрьевского межьника, чьто крьстъ стоить под межьникомь, от Юрьевского межьника логом подъле Юрьевскую рель, да подъле Юрьевскую ораницю логомь да по конець логу промежь ораницы Юрьевскои Ушькова поля да въ прость. А в тое земли, ни в тони не въступатися ни к князю, ни к епискупу, ни боярину, ни кому. А кто почьнёт въступатися в тое землю, и воду, и въ пожьни или князь или епискупъ, или хто иметь силу деяти, и он в второе пришьствие станеть тяжатися с святым Пантелеимономъ.

Author

Добавить комментарий

Ваш адрес email не будет опубликован. Обязательные поля помечены *