1410 – 1411 гг. 

Благославленье от архиепископа новгородского владыче Ивана, от посадника Ивана Олександровичя, от тысяцкого Василья Есифовичя, от всего Великого Новагорода к посадникам калыванским, и к ратманам, и ко всим колыванчанам. Буди вам ведомо: здесе мы с немчи в розмирьи Свеею, и вы, наши суседе, к ним бы есте не приставале, а по них не пособляле, а к нам бы есте вести слале, а тым бы есте нам изружиле. А коли ваше слово придеть к нам, и мы такоже хотим вам дружити, суседамъ своимъ. А гостю бы нашему по вашеи земли путь бы былъ чистъ, а то лихихъ бы людеи на пути пакости и м не было; а мы вашему гостю такоже здесе дале путь, куды и переже сего не бывало, а вам дружа, своим суседамъ. А мы вамъ о том слово добро повествуемъ. А гостю, братьи вашеи, хто поеде в Великии Новъгородъ, и вы имъ велите ехати новгородчкимъ путемъ, а на Пъсковъ пути им нетъ; или хто поедетъ на Пъсков, ехати им взадъ, а на себе имъ жалоба. Занеже того деля вам повествуемъ, чтобы вашему гостю пакости не было.

Author

Добавить комментарий

Ваш адрес email не будет опубликован. Обязательные поля помечены *