1440 г. декабря 30.

Се язъ, великии князь Казимир, королевич, и з своею братьею кончали есмо миръ со Пъсковомъ. А приехали к намъ со Пъскова Ларыонъ Селивестровъ, сын посадничъ, Стефанъ Арыстовичъ, а Лука Махаиловичъ, да били нам челом ото Пъскова, и с тымъ есмо миръ конъчали. А кончали есмо такъ. Што ж послу нашееземли, из Литовъское, и гостю, – или ляхъ, или русинъ, или полочанинъ, или витблянинъ и смолянинъ, – тымъ путь чыстъ изо всее моее отчыны в Псковскую землю. А гостю торговати во Пъскове без пакости, по старои пошлине со всякимъ гостемъ; такожъ и псковичомъ послу и гостю, изо всее отьчыны Псковское, тымъ всимъ путь чыстъ во всю мою отчыну, в Литовъскую землю. А гостю торговати во всеи Литвоскои земли по старыне без пакости, по старои пошлине со всякимъ гостемъ. Также и послу псковъскому, кого коли пошлет ко князю великому московъскому на Москву, путь чистъ через нашу отчыну, на Смолненскъ там ехати и назадъ отъехати, коли мы, великии великому князю Казимиру, блюсти литвина, как и псковитина. А межы собою будучы в любви, за холопа, за робу, за должника, за поручики, за смерда, за татя и за разбойника не стояти ни мне, ни вамъ, а выдати по исправе. А обиднымъ деломъ вложыли есмо рокъ: которыи будут вчынилися от великого князя Витовътовы смерти, или пожжено, или силно пограблено, или головы побиты и иныи пак дела, то есмо ему все на обе стороне вчынили отложыли, того не надобе искати нашымъ на псковичахъ, ни псковичомъ на нашыхъ. Аже вчыниться пеня гостю в Литве псковъскому, кончать по великого князя правде и по целованью. А рубежъ воде и земли со Псковом мне, великому князю, до Пскова, и мне, великому князю, а то нам старыи рубежъ. А сконъчалъ великии князь Казимиръ со всим Псковом, и со всими прыгороды Псковъскими, и со всею  волостью Псковскою по сеи грамоте. Ажъ вчыниться нелюбовь мне, великому князю, до Пскова, и мне, великому князю, тую грамоту кресную не слати ни на Москву ко князю великому Васлилью, ни к Новугороду; но положыти мне тую грамоту кресную во чотыры недели, тож воевати. Такъже ажъ вчынится псковичом нелюбовъ со мною з великимъ княземъ Казимиромъ, и псковичомъ грамота хрестная положыти в Вильни; а то того дни, как грамота положена, олижъ месецъ проидеть, чотыры недели, тожъ воевати. А на всемъ на семъ я, великии князь Казимиръ, крестъ целовал; такъже и послове псковъские крестъ целовали от всего Пскова, по правъде, безъ всякого извета. А писанъ у Вилни месеца 30 день под леты рождества господа нашого Исуса Хрыста 1440 лет, индикт 4.

Author

Добавить комментарий

Ваш адрес email не будет опубликован. Обязательные поля помечены *