Савва КрыпецкийСей убо преподобный отец наш Савва рожения имея и воспитание и ангельского образа восприятие в туждих странах, не свемы, коея земли святый жительство имея, но елико свемы, яко не от Руския земли ему пришедшу в богохранимый и славный град Псков, якоже Авраам от Месопотамия под  дуб Маврийский пришед и вселися, ту видети сподобися Святую и Неразделимую Троицу, Отца и Сына и Святого Духа в трех ангелех угости ю. Посем паки приходят в пречестный монастырь к Рождеству Святей Богородицы, еже зоветца Снятная гора, растояние имуще от града Пскова три стади монастырь он. И тамо честно прият бысть святый// игуменом и братею, добре проходя постное житие, и всем на успех бысть, иже ту сущей братии, и от всех восхваляем бяше и славы от человек, но вменися ему бысть студ и грех. Но искаше славы от Единого Бога, и оттоле приходить с великим смирением в лавру к великому Ефросину над Толву реку во учительство духовное.

Преподобное же отец наш Ефросин великий провиде о нем духом, яко хощет быти сосуд Святого Духа, последи же еже и бысть, и прият его великий отец  духовною радостию, яко от Господа послана во учение к себе, и преда ему службу монастырскую. Старец же Сава добре прохожаше вси службы монастырския по благославлению отца своего великого Ефросина, а правила своего николиже не остави. И по заповеде духовному си настоятелю, святому отцу Ефросину, видя его святый жестоко житие проходяща, в молитвах всегда непреклонна, и мало сна приемлюща, и дню от дни яко по степеню восходящее на добродетельное житие, и от того еже к Богу, и желание сердечное, еже ему единого работати Господу Богу. И паки падет на нозе учителю своему, святому отцу Ефросину, и глаголет: «Благослави мя, святче Божий, и моли о мне человеколюбца Бога, и Пречистую Богородицу, и всех святых, яко да непоколебим буду от всех сетей диявольских и лаяния их молитвами твоими святыми, отче яко да придет мне некий помысл – издавна хощу един работати Господу Богу во отходней пустыни».

Великий же отец наш чюдотворец Ефросин, видя ученика своего блаженного Саву в добродетелях сияшу и во многих воздержании ангельски живша житие, и благословлению сподоби его и отпусти с миром ити в нутреннюю пустыню и тамо Господеви работати. И прирек ему великий отец Ефросин, глаголя: «Иди, чадо Саво, избранниче Христов, с миром. Бог буди с тобою, Пречистая Богородица в помощ от всех сетей демонских да ние. И поревнуй житию святых великих отец, и возлюби нрав их, их же образ носиши, и вознена веде же земная вся, якоже отцы наши, и воследуй стопам владыки Христа, взем крест Христов на рамо свое, яко ученик Его наречешися. И имей во устех молитву всегдашнюю и бденную, и посту, и безыменству, и нещите самохотней и протчим таковым поучайся, якоже учитель наш Христос». Блаженный же Сава, яко доброплодныя земля, со слезами, со воздыханием приимаше в сердцы в своем семена сторичествующа, сиречь учение, от учителя своего преподобного, от Ефросина, желаше же вся си собою сам исправити и многи душа ко Христу привести во спасение, еже бысть.

Author

Добавить комментарий

Ваш адрес email не будет опубликован. Обязательные поля помечены *