23592В лето 1138 выгнаша Новгородцы Всеволода Мстиславича Князя своего; а Святослав Олговича приведоша княжити к собе: Всеволод же иде в Киев к стрыю своему Ярополку, и посади и в Вышегороде. В том эже лете приидоша Плесковичи, и позваша Всеволода княжити к собе; а Новогородцы отложишася и проводиша Всеволода и Святополка до Плескова Василько Полотский, Всеволоду идущу мимо Полотска сам выеха к нему, проводи его с честию, не забыв заповеди Божия, забы злобу отца его, что бяше сотворил всему роду его: вшедшу ему в руце его к нему ничтоже о нем лукавно помысли, якоже подобает по человчеству; но и крест межи собою целоваста, яко не поминати что ся деяло преж сего и на всей правде, тако и добре проводи. Тояж зимы Всеволод преставися в Плескове в 11 й день, в четверг масляныя недели, а в неделю же положен бысть церкви святого мученика Дмитрия, юже сам создал.

Author

Добавить комментарий

Ваш адрес email не будет опубликован. Обязательные поля помечены *